قريب وما لكَيـتـك ومن تبـتـعد ألكَاك
وشما تـبـتـعد احسك بـيـة مدفـون

تـعال وشـوفـني شـلون ألاكـَيك
بجيتك ما اطش جكليت اطش ألك العيون


ليش ما جيت وشفتني
وأنطاك كَلبك من رحت ما ودعتني
ولحظة مـا جيـت اعلة بـالك وذكرتـني


ألكَاك شوكت وكَلي يا يــوم
عليك بين الناس ادور بلكي تلكَيني


ومن الكَاك تدري شلون ألكَاك
كون من اشوفك انه أنطيك عيني


وألزمك وبحـضنـك ابجي حيل
واتوسل بيك أكَلك لا تخليني


وما اضيعك بس كون اشوفك يوم
أنطيني هذه اليوم انه ارهنلك اسنيني

انـتــه كَبالي بس اكَول بـعيـــد
اريدن لو تهت بيك اني ألكَيني


وينك .. كافي ماظل بعد حيل
انسيت روحي وابد ما نسيتك


عاشرت شكـثـر وشكَد شفت ناس
حبهم ما وصل بكَد ما انــه حبيتك


ونسيانك يذكرني لو ردت انساك
ردت انساك مرة .. ألف مرة تذكريتك