صباحكم ومسائكم سعاده يا أحباب
صينية البطاطس و الباذنجان بأصابع الكفته ,,, تستحق التجربه ,, اتمنى ان تنال
على اعجابكم وترضي ذائقتكم ,,
نبدا على بركة الله ,,
نبدا بتجهيز الباذنجان
[IMG][/IMG]
نقشر حبات الباذنجان تقليم بس ,, ونقطعها شرايح بس بدون مانوصل للنهايه يعني تكون
حبة الباذنجان ماسكه بعضها بالطريقه هذي
وهنا الكميه بعد ماخلصنا منها الحين نقليهم بزيت غزير وحامي عشان ماتتشرب زيت كثير بس لحد مانحس ان حبات
الباذنجان لانت وتغير لونها
[IMG][/IMG]
بعد القلي يكون بهذا الشكل
[IMG][/IMG]
نحطهم على جنب ونبدا الحين بتجهيز اللحم أصابع الكفته
في فرامة البصل نحط
بقدونس .. فلفل اخضر .. ثوم .. بصل ..
نفرمها ونضيفها على اللحم المفروم مع البهارات اللي تفضلينها
[IMG] [/IMG]
نخلط المقادير مع بعض ونضيف لها شوية بقسماط عشان تتماسك معانا
[IMG][/IMG]
نعجنها لحد ماتصير معانا بالشكل هذا ,,
[IMG][/IMG]
نتركها على جنب ونبدا الحين بتجهيز الصينيه ونحتاج لها
بصل .. طماطم .. بقدونس .. فلفل اخضر
[IMG][/IMG]
نقطعهم مكعبات ونحطهم بصينيه بايركس ,,,
[IMG][/IMG]
نبدا الحين نحشي الباذنجان بأصابع اللحم والصور توضح لكم
[IMG][/IMG]
[IMG][/IMG]
نبدا الحين نرص حبات الباذنجان المحشيه في الصينيه البايركس وبين الفراغات
نحط اصابع كفته وحبات بطاطس مقطعه بالطريقه هذي
[IMG][/IMG]
الخطوه الاخيره ,,
نذوب مكعب ماجي وثلاث ملاعق صلصه " معجون الطماطم " في ماء حار
ونصبه على الباذنجان لحد مايتغطى تقريباً وندخله الفرن لحد ماينضج اللحم
وتتسبك معانا الصلصه ,,,
[IMG][/IMG]
وتفضلوا حياكم الله ,,
[IMG][/IMG]
[IMG][/IMG]
[IMG][/IMG]
دعواتكم هي جُل ما أرجوه ,,
حــــــزن ,,