يوسف يا عراق الما كلاه الذيب
بس اول بلاد الخوه ماكلته
يا اول وطن يضحك بوجه الناس
مشرق مبتسم والحركة كاتلته
ويا اول وطن رادك نبي ابراهيم
مطلق للرساله وساس قاعدته
ويا اول وطن رادك نبي ايوب
أو وثق بيك الحسين وانطاك عائلته
ويا اول وطن جرحك وسام عليك
ويا اكثر وطن عبراته ناحبته
الراياتك جفوفي ما وطنها
وروحي بعكب روحك ما وطنها
تراب الغير جدمك ما وطنها
ولا ريدن ترب غيرك وطيه
عراقي بكل وكت ابقه وجذب ماموت
شما موته وجثث تحضن توابيتي
من طبع الجبل يضحك بوجه الريح
اكابر عالشدايد رغم وضعيتي
احط ملح على جرحي واسحك على الاه
ولا لحد كلت مو زينه عافيتي
طبع نخله من اكابر كلبي ابيض ذاك
شما خبطو عليها الوان ساجيتي
ابن ارض السلام اللقبوه الناس
عجب غاب السلام بعين اهاليتي
وعجب كبل الشمس كمت اني اطب للبيت
واني كبل الشمس تغفه على ساريتي
عيب اذبح اخويه واسطو عالجيران
مو هذا انا ثوبي وهاي تربيتي
ابن اول حضارة السنة القانون
امتدا الحمورابي اعماق خلفيتي
كرم حاتم انا وجف الحسن للضيف
خير وعز سويه تفيض صينيتي
يم بيتي القمر لازم سرة على الباب
عراقي وكلبي افتحه شلون اسد بيتي
من كرمة علي الحد زاخو والخابور
اكراد وعرب رمز العراقيتي
(كبل جنسيتي جانت كل فرح بغداد )
(هسه احزان كل بغداد جنسيتي)
حيرني بسجن مادام لسه ايتام
عليهم تبجي دم عيون قافيتي
ومن يضحك طفل بالحله لو بالفاو
اكول اني وصلت معناه حريتي
ولو عز الهوه الذراته ما احتاج
اشعلها التذلني وتنسحب ريتي
مهرة عزة انه الما هواها الخوف
ولا لاحت ضفاف الكاع ناصيتي
انا ابن التراب الطهر الكرار
وتربه كربلة على الراس بيريتي
اتمنه تنال اعجابكم
بس اول بلاد الخوه ماكلته
يا اول وطن يضحك بوجه الناس
مشرق مبتسم والحركة كاتلته
ويا اول وطن رادك نبي ابراهيم
مطلق للرساله وساس قاعدته
ويا اول وطن رادك نبي ايوب
أو وثق بيك الحسين وانطاك عائلته
ويا اول وطن جرحك وسام عليك
ويا اكثر وطن عبراته ناحبته
الراياتك جفوفي ما وطنها
وروحي بعكب روحك ما وطنها
تراب الغير جدمك ما وطنها
ولا ريدن ترب غيرك وطيه
عراقي بكل وكت ابقه وجذب ماموت
شما موته وجثث تحضن توابيتي
من طبع الجبل يضحك بوجه الريح
اكابر عالشدايد رغم وضعيتي
احط ملح على جرحي واسحك على الاه
ولا لحد كلت مو زينه عافيتي
طبع نخله من اكابر كلبي ابيض ذاك
شما خبطو عليها الوان ساجيتي
ابن ارض السلام اللقبوه الناس
عجب غاب السلام بعين اهاليتي
وعجب كبل الشمس كمت اني اطب للبيت
واني كبل الشمس تغفه على ساريتي
عيب اذبح اخويه واسطو عالجيران
مو هذا انا ثوبي وهاي تربيتي
ابن اول حضارة السنة القانون
امتدا الحمورابي اعماق خلفيتي
كرم حاتم انا وجف الحسن للضيف
خير وعز سويه تفيض صينيتي
يم بيتي القمر لازم سرة على الباب
عراقي وكلبي افتحه شلون اسد بيتي
من كرمة علي الحد زاخو والخابور
اكراد وعرب رمز العراقيتي
(كبل جنسيتي جانت كل فرح بغداد )
(هسه احزان كل بغداد جنسيتي)
حيرني بسجن مادام لسه ايتام
عليهم تبجي دم عيون قافيتي
ومن يضحك طفل بالحله لو بالفاو
اكول اني وصلت معناه حريتي
ولو عز الهوه الذراته ما احتاج
اشعلها التذلني وتنسحب ريتي
مهرة عزة انه الما هواها الخوف
ولا لاحت ضفاف الكاع ناصيتي
انا ابن التراب الطهر الكرار
وتربه كربلة على الراس بيريتي
اتمنه تنال اعجابكم