السلام عليـكم ورحمة الله وبركاته
أغضـاء المنتدى الكرام ..
بعد النجآح الباهر لـ القصص البطوليه عبدو فششفشي >> الي يعرف كل شي
في المنتديات العدنيه



فـ اقدم لكم اليوم الجزء [url=http://www.ro7-f.com/vb/showthread.php?t=6141]الاول [/url]من قصص الفشفشي البطولية ورائعه من وحي خيالي الخنفشاري

الي لحد الحين مدري وش نهايته

المهمه يآحلوين ..

القصه هذي مقتبسه ( لكن تم التعديل عليها )

وتحويلها الي قصة عدنيه 100%

واسمعو هذه القصه ..

اول شي لازم نعرفكم على ابطال القصه ..

المواصفات < على اساس انه جهاز كمبيوتر

الاسم / عبده فش فشي

العمر / من مواليد حرب الزماميط تربية عدنيه صالحه جداً

الشكل / قزم ودب واقرع و وجهه كله خدود ومافيه عيون

باختصار زي العري )

طبعاً عبده فش فشي.. خريج كلية الهندسه .. زي ماتعرفو ان الاشغال بالهبل هذي الايام والولد انحرف ورجع خريج اركان ..

يخيط ابوه شارع الحب خياط مايزحفششش ..

وهبلك ياتراقيم ويامطافحه ورى بنات الناس .. فاضي ايش نسوي له ..

المهم ابوه قرر انه يزوجه يمكن يعقل الولد

ويقوم يزوجله ابوه بنت عمه فتحيه مخاطيطو

وطبعاً .. اوصف لكم فتحيه مخاطيطو ..

الاسم / فتحيه مخاطيطو ..

العمر / .. 11 سنه مخصوم منه الاجازات والعطل الرسمه والاعياد والمناسبات الدينيه .. طبعاً زي ماتعرفو ان .. البنات ماعمرهم قالو اعمارهم الحقيقيه ( حقيقه لا خيال ) ..

الشكل / مجهول .. لابسه جلباب ماتبانش ..

طبعاً داك اليوم .. عبده كان بالركن حق شارع الحب ..

وطارح الحبه التمبل الزرده بحلقه .. وهبلك ياتفل بالارض .. لمان .. استوى تحته بحر من الدم .. طعاً بحر من الدم نسبة لواحد يافعي سقلوب جزع من جنبه وقال له ايش هذا بحر من الدم ؟؟

**** اخوانه .. مش عاقل مايدري انه تمبـل ..

المهم

ابو عبده فش فشي .. يدور .. ابنه وينه ؟؟

اتصـل ابو عبده لـ عبده ..

وهبلك ياديك الرنه ..

من حق الجوال الصيني .. الي فوقه صوت تقول مسجله استيريو ..

اكيد تشتو تعرفو ايش هي الرنه ..

الاغنيه هي كانت ..

انا اسمي ماجد ماجد .. لـعبه خشبيه .. الخ < ياح غبار ..

المهم .. التلفون يرن من هنا والبنات يتفرجو على عبده فش فشي ..

وعبده ال**** .. يحسب ان الناس تتفرج عليه لانه الرنه حقه هدار ماليش سليوشن ..

مش داري انهم يتفرجو على هبالته

عبده رد على التلفون ومسوي فيها الولد الذي توحيف ..

وجالس يتاحف بكلامه ..

وكانت المحادثه كالتالي :

الاب : الووووووووووووه يانحس وينك ؟؟

عبده : ها ياباه .. ايش تشتي .. انا بالسوق جالس اطافح ماتشوفنا < كيف بايشوفك بالله ..؟

الاب : طافحك عزرائيل من حافه لحافه .. اليوم عرسك

عبده : طيب يابه نعم بانهرب .. قـول لهم يراعو لمان اجي .. ولو ماعجبهمش شوف البنات كثير بالشارع .. وبعدين العرس بالليل ..؟ ايش تشتي مني اجي الان .؟ مو شفتنا بنت .. اجلس فوق المرايه واهب لوجي اربعه كيلو بوتر وخمسسسسسسسه اقرام حاموره .. وكداد كداد بهارات .. واشل عطورات الرحاب كله اسكبه فوقي ..؟

الاب يقول له : يعني ماراح تجي ؟؟ تشتينا اسوي لك مثل ماسوى جدك لـي ؟؟

عبده يسـئل با استغراب : ايش سوا ؟؟

الاب : قطع علي الاكسجين اسبوع وشربنا ثاني اكسيد الكربون ..

عبده : طيب خلاص باجي ..

ويقفل التلفون ..

يوصل عبده البيت ..

ويقول لـ ابوه يالله بسرعه خلصنا مافيش وقت ..؟

تشتي تزوجنا بالغصب ؟؟

وشارع الحب بايكون لمن ... ؟؟؟

انا لو سبته .. محد راح يتولى منصب الحراسه هنآك ؟؟ على اساس انه يحرس كل فتاه هنآك ..

ابوه يشوف عبده بمنظر مره مره مخزي ؟؟

ويقول له ( طبعاً مقدرش اقول لكم ايش قآل له لانه كله كلام مش حلو عليـكم بطال ) .. المهم المفيد بالسبه انه عبده كان لابس .. جرم وردي .. وبنطلون جنز طيحني ماليش حل ..

وشعره سبايكي سيزو ..

وظفره الي بالصبع الصغير طوله مترين ونص ؟؟

ابوه يقول له باتروح لـ الناس بهذي الحال ؟؟

يرد عليه عبده هيا يحمدو ربهم .. هذي الايآم الرجال مكملين

المهم ...

تم القشط والتنظيف لـعبده فش فشي ..

اربع قوارير فلاااااااش يمني ..

وسبع قوارير ديتول ..

واربع مكاين قص اشجار عشان شعره ورجع الرجل الذي كويس ..

شلـوه لمان قاعة ( نادي )

طبعاً القاعه حلوه .. وابوه ماقصر .. وهي قاعة سبا للافراح .. اروع قاعه في عدن

المهم وصـل الاخ .. وزفووووووووووووه ..

وطبعاً هبـلك ياصياااااح من البنات .. واو ويو واو ويو .. الف الصلاه على الرسول .. لا اله الا الله ياحبيبي يامحمد لا اله الا الله .. وياناس صلو عليه ذكر النبي فائده .. الخ

جلس الحبوب فوق الكرسي ..

وتجي عمته تقول له مبروك منك المال ومنها العيال ..

يرد عليها عبده والله ولا معي ريال معك خراج ؟؟ < قلـت لكم مش حق زواج ههههههههه

المهم ..

يشوف الحاضرين بالعرس ..؟

وهبلك يا انواع البنات الحلوه والخيبه ..

وهو عينه طويله ..

ويناظر للبنات .. وياشر لهم بالرقم ويقول لهم بعد ماخلص انتص باجي لكم ..

قامو اهل عبده واهل فتحيه يرقصو ..

قام عبده .. يتسهبل عليهم .. ويقول لهم مالكم .؟؟

انا اعرف اهز احسن منكم ,..؟

يقوم يرقص بدال البنات ..؟
))

((

//

\\

سرا ... اس اس .. عاشو عاشو ..

تقوم ام عبده .. تمسكه وترجعه للـكرسي ..

وفتحيه تقول له .. لا خليه عجبني الهز حقه مالوش حل يجننن .؟

هبوووووووشي .. < هبلت اخوانه ..

المهم بعد ما خلص ينتص مع فتحيه بالقاعه .. روحو بالزفه ..

هيا داك اليوم ..

عبده قال انا باسوق السياره نعم بايسوي حركه حلوه وموضه ؟؟

بايسوق السياره وجنبه زوجته بدون مرافقين .. نعم عشان ياخذو على بعض ..؟ ( حسسنا انه يتمشي مع الليده حقه ) ..

المهم ..

داخل السياره ..

قامت فتحيه .. تسافع بعبده ..

وتقول له .. شوف اني امووووووووووت بالي يفحطو ..؟

تعرف تفحط ؟؟

طبعاً عبده فش فشي ..؟

قده اسم على مسمى ..؟

اقتلب العريف بهذي الحركات وقآل له .. اوه انتي مش داريه ؟؟

قآلت لـه فتحيه اصله ..؟

قآل له .. شوفينا ماليش حل بهذي الحاجات قده خط الجسر يشتكي مني من كثر التفحيط ؟؟ على اساس ان خط الجسر كبير ؟؟ وهي هبلت اخوانه مصدقه ..؟

قآلت له .. كيه وريني ..؟

عبده توهق وماعرف ايش يقول قآل له دحين انا معرس عليك ومايصير بعدين البدله تتوسخ ؟ على اساس انه بايفحط بالبدله ..؟

وقامت فتحيه تقول له .. لا شكلك هامبو ماتعرف شي ؟؟

الولد احترق على نفسه ؟؟

وقال دحين البنت أي باتقول لي ..؟

وانا قده يالله حصـلت فارسة احلامي .. والي تفهمنا ..

وقدنا باكون انزله معي الركن .. تكون ترقم لـي بدل ماروح احرج نفسي ههههههههههههه

طبعاً فش فشي قام يسوي حركه ماليش حل ..؟

وشـللك شـقلبه بالجوووووووو .. من هنآ لـهناك ( اتحديكم تقولو من فين لـفين ههههه ) ..

.. طبعاً .. نقـلوووهـ .. لـ البريهي .. قده مافيش غيره الي بطريق الجسـر .

طبعاً الان هم بالمستشفى ..

ومواعيد الزياره كالتالي :

الصباح من 9 الي 12
المساء من 3 الي 7



لو بتروحوا راعوا لي ولا سسوا لي رنه >> قدو صصيني عزك الله عبده فش فشي وفتحيه مخاطيطو الجزء الاول Hi%20(208)